აგარიდან თბილისამდე მსვლელობისას აქციის ორი მონაწილე ცუდად გახდა. როგორც On.ge-ს გაერთიანებული პროფკავშირების თავმჯდომარემ, ირაკლი პეტრიაშვილმა უთხრა, აქციის მონაწილეებს სასწრაფო-სამედიცინო დახმარება დასჭირდათ. პეტრიაშვილის თქმით, მიუხედავად ჯანმრთელობის მდგომარეობისა, აქციის მონაწილეებმა უარი თქვეს სახლში დაბრუნებაზე და მსვლელობა გააგრძელეს.

აქციის მონაწილეების ჯანმრთელობის მდგომარეობის დასადგენად On.ge ჯანდაცვის სამინისტროს დაუკავშირდა. სამინისტროში გვითხრეს, რომ მსვლელობას სასწრაფო-სამედიცინო დახმარების ეკიპაჟი მიყვება, მაგრამ ამ ეტაპზე არ აქვთ ზუსტი ინფორმაცია აქციის მონაწილეობის ჯანმრთელობის შესახებ.

აგარაში შაქრის ქარხნის დახურვას ადგილობრივები რამდენიმე თვის განმავლობაში აპროტესტებდნენ. გუშინ, 18 აპრილს, ისინი მსვლელობით აგარიდან თბილისისკენ გამოემართნენ. აქციის მონაწილეებმა გუშინ ღამე ღია ცის ქვეშ გაათენს და მსვლელობა დღეს დილას განაგრძეს.