დღეს, 18 აპრილს ბაქოში აზერბაიჯანის მილი მეჯლისში (პარლამენტში) პრეზიდენტ ილჰამ ალიევის ინაუგურაცია ჩატარდა.

ალიევმა ფიცი დადო, რომ ქვეყნის სუვერენიტეტსა და ტერიტორიულ მთლიანობას დაიცავს, ასევე, ღირსეულად ემსახურება ხალხს.

12 აპრილს ხმების 86 პროცენტით ალიევი ისევ აზერბაიჯანის პრეზიდენტი გახდა. 15-წლიანი მმართველობის განმავლობაში ის პირველად აირჩიეს შვიდწლიანი ვადით.

აზერბაიჯანის საპრეზიდენტო არჩევნები 2018 წლის ოქტომბერში უნდა ჩატარებულიყო, თუმცა თებერვალში პრეზიდენტ ილჰამ ალიევის განკარგულებით, ვადამდელი არჩევნები 11 აპრილს დაინიშნა.

ილჰამ ალიევი აზერბაიჯანის პრეზიდენტი პირველად 2003 წელს გახდა. ხუთი წლის შემდეგ ალიევი პრეზიდენტად ისევ აირჩიეს. 2009 წელს ქვეყანაში ჩატარდა რეფერენდუმი, რომლის მიხედვითაც კონსტიტუციაში შევიდა ცვლილებები, რომლის მიხედვითაც ერთსა და იმავე პირს პრეზიდენტობა შეუზღუდავი რაოდენობით შეუძლია. სწორედ ამის შემდეგ ილჰამ ალიევი პრეზიდენტი 2013 წელსაც გახდა.

ფოტო: azertag.az

ფოტო: azertag.az

ფოტო: azertag.az

ფოტო: azertag.az

ფოტო: azertag.az

ფოტო: azertag.az