"სასოწარკვეთილი დიასახლისების" ვარსკვლავ, ევა ლონგორიას ცოტა ხნის წინ ვარსკვლავი გაუხსნეს.

დიდების ხეივანში ცერემონიას მისი მეგობრები და კოლეგები ესწრებოდნენ, მათ შორის იყო ფელისიტი ჰოფმანიც (ლინეტ სკავო - "სასოწარკვეთილი დიასახლისები"), რომელიც სიტყვითაც გამოვიდა და ევას მისამართით ქება-დიდება არ დაიშურა.

ცერემონიის შემდეგ ევამ დიდი წვეულება მოაწყო, რომელსაც მისი უამრავი მეგობარი ესწრებოდა, მათ შორის - რიზ უიზერსპუნი, ვიქტორია ბექჰემი, კერი ვაშინგტონი და სხვები.

მედიის ყველაზე დიდი ყურადღება კი "სასოწარკვეთილი დიასახლისების" ერთობლივმა ფოტომ მიიქცია, თუმცა ახალი ამბავი არ არის, რომ ფელისიტი ჰოფმანი, მარშა ქროსი და ევა ლონგორია დღემდე უახლოესი მეგობრები არიან.

წვეულებას ესწრებოდა შოუს შემქმნელი, მარკ ჩერიც.