მოდელი, მსახიობი და აქტივისტი კარა დელევინი კოაჩელას ბოიკოტს უცხადებს, რადგან, მისი თქმით, მუსიკალური ფესტივალის მფლობელი ფილიპ ანსჩუცი ჰომოფობია და არც იარაღის კონტროლს უჭერს მხარს.

ამ განცხადების შემდეგ, კარამ ბიონსეს კოაჩელაზე გამოსვლაზე ინსტაგრამზე დაპოსტა და მომღერალი საუცხოო გამოსვლისთვის შეაქო:

"სიტყვებს ვერ ვპოულობ, ამ შესრულებამ ცრემლებით ამავსო. განსაკუთრებით Destiny's Child-თან ერთად გამოსვლამ. მადლობა, რომ უამრავი ადამიანისთვის შთაგონების წყაროდ რჩები და ადამიანებს მხარს უჭერ".

ამ პოსტის შემდეგ, მოდელი ორმაგ სტანდარტებში დაადანაშაულეს, რასაც კარამ მალევე უპასუხა:

"ადამიანები იმაზე საუბრობენ, რომ მე ვთქვი, როგორი გაბრაზებული ვიყავი კოაჩელას მფლობელზე და შემდეგ ბიონსეზე დავწერე. მე კვლავ უარს ვამბობ იმ ფესტივალზე წასვლაზე, რომლის მფლობელიც ანტი-ლგბტ და იარაღის მომხრეა. მე მაქვს უფლება, რომ ამ კაცსა და ფესტივალს დავცინო და ამასთან ერთად, გამოვხატო ჩემი დაფასება ხელოვანის მიმართ. ბიონსე თუ მიყვარს, არ ნიშნავს, რომ კოაჩელაც მიყვარს. მე ფესტივალზე ისევ არ წავალ".