17 მარტის მთავრობის სხდომაზე, პრემიერ მინისტრმა გიორგი კვირიკაშვილმა ქვეყნის უსაფრთხოების მიმართ ბრალდებებზე გაამახვილა ყურადღება. მისი თქმით, ახალი მთავრობის პირობებში ბევრი რეფორმა განხორციელდა შსს-ში, სახელმწიფო უსაფრთოხების სამსახურში და პროკურატურაში.

"კიდევ ერთხელ მინდა მოვუწოდო ყველას, რომ თითოეული სიტყვა გამოთქმული ამ ინსტიტუციების დისკრედიტაციის კუთხით, ასუსტებს ჩვენს სახელმწიფოს", - განაცხადა გიორგი კვირიკაშვილმა.

მისივე თქმით, ის, რომ რეფორმები არ დასრულებულა და ეს ინსტიტუციები კიდევ საჭიროებენ რეფორმებს, არავითარ შემთხვევაში არ გულისხმობს, რომ "მათზე აგდებით ვისაუბროთ".