9 ივლისს, youtube-ის ერთ-ერთი მომხმარებელი Streetcap1 NASA-ს ონლაინ სტრიმინგს უყურებდა, რომელიც პირდაპირ საერთაშორისო კოსმოსური სადგურიდან მოდის და ნებისმიერ მომხმარებელს შეუძლია მისი ჩართვა და ყურება.

ამოუცნობ მფრინავ ობიექტებზე მონადირე Streetcap1-მა ვიდეოში უცნაური ობიექტი აღმოაჩინა და ვიდეოს ჩაწერა დაიწყო.

ობიექტის კამერაში გამოჩენის შემდეგ NASA-ს ონლაინ სტრიმინგი შეწყდა.

კონსპირაციის მოყვარულთა შორის მაშინვე გაჩნდა ეჭვი, რომ NASA-მ სპეციალურად შეწყვიტა ვიდეოს გადმოცემა, რადგან დედამიწის ატმოსფეროში შემომავალი უცხოპლანეტური კოსმოსური ხომალდის დამალვა უნდოდა.

ჟურნალი Popular Mechanics-თან საუბარში NASA-ს წარმომადგენლებმა განაცხადეს, რომ ვიდეო სტრიმინგი ავტომატურ რეჟიმში მუშაობს და ალბათ იმიტომ გაწყდა, რომ სიგნალი დაიკარგა და იქვე აღნიშნეს, რომ NASA-ს არასოდეს უნახავს მფრინავი თეფში.