გასულ კვირას უცხოურ მედიაში გავრცელდა ინფორმაცია, რომ ქართველი მაყურებლისთვის კარგად ნაცნობი ვენესუელელი მსახიობი, გაბრიელა სპანიკი, გაკოტრების პირას იყო.

ლათინო-ამერიკული მედიის ცნობით, მსახიობი, რომელიც ბოლო 4 წელია არც ერთ ტელევიზიას სამუშაოდ არ მიუწვევია, სიღარიბის ზღვარს უახლოვდება და ამის გამო საკუთარ ნივთებს ყიდის.

ინფორმაციის გავრცელების შემდეგ სპანიკს ნეტფლიქსმა ესპანურენოვან სერიალში, Casino mex, მონაწილეობა შესთავაზა. მსახიობი ამ შეთავაზებას დასთანხმდა და მალე მისი მონაწილეობით ახალ სერიალსაც უნდა ველოდეთ.

გაბრიელა სპანიკი 2002-2006 წლებსი ტელემუნდოში მუშაობდა, თუმცა რეორგანიზაციის შემდეგ მსახიობს კონტრაქტი გაუუქმეს.

4-წლიანი უმუშევრობის შემდეგ სპანიკთან მუშაობა მექსიკურმა კომპანია ტელევისამ გადაწყვიტა, თუმცა მხოლოდ ერთი როლი მისცეს. ამის შემდეგ მსახიობი ტევე აცტეკას ექსკლუზიური კონტრაქტორი გახდა და სამ სერიალში ითამაშა, თუმცა 2014 წლის შემდეგ კომპანიამ მასთან ურთიერთობაზე უარი თქვა, სწორედ ამის შემდეგ დაიწყო მსახიობის ფინანსური პრობლემები.