თბილისში, ვაკეში, მრგვალ ბაღთან ქალი, რომელსაც ყელი გამოჭრეს გარდაიცვალა. ამის შესახებ On.ge-ს სასწრაფო დახმარების სამსახურში განუცხადეს. შემთხვევა დღეს, 13 აპრილს საღამოს მოხდა.

On.ge-ს თვითმხილველმა განუცხადა, რომ ქალი ორი მცირეწლოვანი შვილის თვალწინ, მაშინ მოკლეს, როცა დის ნაქირავებ ბინაში სტუმრად იმყოფებოდა. მკვლელი კი გაიქცა.

შინაგან საქმეთა სამინისტროს პრესსამსახურში ამ ეტაპზე ინფორმაცია არ აქვთ. ადგილზე მისულია საპატრულო პოლიცია და შეკრებილია ხალხი.