რამდენიმე ოპოზიციური პარტია საპრეზიდენტო არჩევნებზე ერთ-ერთ კანდიდატად გიორგი მარგველაშვილს განიხილავს. ეს ინფორმაცია იმედს ახალი მემარჯვენეების ლიდერმა, მანანა ნაჭყებიამ მიაწოდა.

ნაჭყებიას თქმით, პრაქტიკულად ყველა ოპოზიციური პარტია თანმხდება, რომ მხოლოდ საერთო კანდიდატის წარდგენის შემთხვევაში აქვთ შანსი, კონკურენცია გაუწიონ სახელისუფლებო კანდიდატს:

"ამ კრიტერიუმებიდან გამომდინარე ჩვენ ვფიქრობთ, რომ ერთ-ერთი და არა ერთადერთი კანდიდატი შეიძლება იყოს გიორგი მარგველაშვილი, რადგან მან დაადასტურა, რომ სხვა სიკეთებთან შედარებით, მისთვის უფრო მნიშვნელოვანია დემოკრატიის ისეთი საძირკველი, როგორ არის ხელისუფლების შტოებს შორის ბალანსი".

ნაციონალური მოძრაობის წევრი რომან გოცირიძე ამბობს, რომ კანდიდატზე ოპოზიციური პარტიები შეკრების შემდეგ იმსჯელებენ და პრაიმერის გზით გადაწყდება.