9 კილოგრამი ჰაშიშის საქართველოში უკანონოდ შემოტანის ბრალდებით ერთი პირი დააკავეს.

შინაგან საქმეთა სამინისტროს განცხადებით, პირველადი ინფორმაციით, პოლიციამ დაკავებულის პირადი ჩხრეკისას, ამანათის სახით მიღებული 9 კილოგრამი ჰაშიში ამოიღო, რომელზეც დანიშნულია ექსპერტიზა. უწყების თქმით, გამოძიებამ დაადგინა, რომ აღნიშნული ამანათი ნეპალიდან გერმანიის გავლით არის გამოგზავნილი.

საქმეზე გამოძიება განსაკუთრებით დიდი ოდენობით ნარკოტიკული საშუალების საქართველოში უკანონოდ შემოტანის ფაქტზე, საქართველოს სისხლის სამართლის კოდექსის 262-ე მუხლით მიმდინარეობს.