კლუბი ბასიანის ინფორმაციით, 6 აპრილის საქველმოქმედო საღამოზე 9 000 ლარი შეგროვდა. კლუბში აცხადებენ, რომ თანხას ტყიბულის მაღაროში დაღუპულ და დაშავებულ მეშახტეთა ოჯახებს სრულად გადაუნაწილებენ.

"ჩვენ კარგად გვესმის, რომ ვერცერთი საქველმოქმედო აქტი ვერ გადაჭრის შახტებში დასაქმებულთა უმძიმეს გამოწვევებს... ვიმედოვნებთ, ამ მწირი ფულადი კონტრიბუციით მცირედით მაინც შევუმსუბუქებთ გარდაცვლილთა ოჯახებს ეკონომიკური ხასიათის პრობლემებს", - წერია კლუბის ფეისბუქის გვერდზე, სადაც ასევე აღნიშნულია, რომ უერთდებიან დღეს, 9 აპრილს ტყიბულის თეატრის წინ დაგეგმილ აქციას, რათა პატივი მიაგონ გარდაცვლილთა ხსოვნას.

6 აპრილს, ტყიბულის შახტში 6 მაღაროელის გარდაცვალების შემდეგ, კლუბმა საქველმოქმედო საღამო მოაწყო და აღნიშნა, რომ შემოსულ თანხას სრულად გადაუნაწილებდა ტყიბულის მაღაროში დაღუპულ და დაშავებულ მეშახტეთა ოჯახებს.