გვიან ღამით გორში პოლიციასა და მოქალაქეებს შორის დაპირისპირება მოხდა. როგორც შინაგან საქმეთა სამინისტროში On.ge-ის განუცხადეს, ინციდენტის დროს დაშავდა 5-მდე პოლიციელი და მათი სამი მანქანა.

საქმეზე გამოძიება ადმინისტრაციული და სისხლის სამართლის კოდექსებით მიმდინარეობს. 6 პირი სისიხლის სამართლის კოდექსის 353 მუხლის მეორე ნაწილითაა დაკავებული. ამ მუხლით, ჯგუფის მიერ პოლიციელის მიმართ წინააღმდეგობა ძალადობით, საზოგადოებრივი წესრიგის დაცვისათვის ხელის შეშლის მიზნით, ისჯება თავისუფლების აღკვეთით ვადით ოთხიდან შვიდ წლამდე. დანარჩენი სამი პირი კი ადმინისტრაციულ სამართალდარღვევათა კოდექსის 166-ე (წვრილმანი ხულიგნობა) და 173-ე (პოლიციელისთვის წინააღმდეგობის გაწევა) მუხლებით დააკავეს.

შსს-ში ამ ეტაპზე სხვა დეტალებზე არ საუბრობენ.