საქართველოს შინაგან საქმეთა სამინისტრომ ინტერნეტში მათი სახელით ფულის მოთხოვნასთან დაკავშირებით გამოძიება დაიწყო. ამის შესახებ On.ge-ს უწყების პრესსამსახურში განუცხადეს.

ბოლო რამდენიმე კვირის განმავლობაში ინტერნეტმომხმარებლები ფეისბუქში ავრცელებენ ფოტოებს, სადაც შინაგან საქმეთა სამინისტროს სახელით პორნოგრაფიულ საიტებზე დაბლოკვის შესახებ წერია ინფორმაცია. მითითებულია ანგარიშის ნომერიც და გადასახდელი თანხა - 41 ლარი. ამავე შეტყობინებაში აღნიშნულია, რომ თუ პირი ფულის გადახდის გარეშე, თვითნებურად მოხსნის ბლოკს დაიწყება სისხლის სამართლის საქმის წარმოება.

შსს-ში ამბოენ, რომ საქმეზე გამოძიება სისხლის სამართლის კოდექსის 19-180-ე მუხლებით თაღლითობის საქმეზე დაიწყეს, ამ ეტაპზე კი გამოძიება ტარდება.