8 და 9 აპრილს, დილის 8 საათიდან საღამოს 8 საათამდე, თბილისის სასაფლაოების მიმართულებით უფასო ავტობუსები ივლიან. ინფორმაციას თბილისის მერია ავრცელებს.

მუნიციპალური ტრანსპორტი მგზავრებს შემდეგი ლოკაციებიდან გაიყვანს:

  • მუხათგვერდისა და ვაშლიჯვრის სასაფლაოები - მეტრო დიდუბე;
  • კუკიასა და მახათას სასაფლაოები - სადგურისა და მარჯანიშვილის მოედნები;
  • საბურთალოს სასაფლაო - მეტრო დელისი;
  • თბილისის ზღვის სასაფლაო - მეტრო სარაჯიშვილი;
  • ვარკეთილის სასაფლაო - მეტრო ვარკეთილი და შუამთის ქუჩის მე-10 კვარტალი;

ველის სასაფლაოსკენ მიმავალი ავტობუსი გაჩერდება დოდო ჭიჭინაძის ქუჩის 25-ე კორპუსის მიმდებარედ.

გარდა ამისა, 7 აპრილს, მეტროს მუშაობა გახანგრძლივდება და 23:00 საათიდან 8 აპრილის დილის 4:00 საათამდე მგზავრებს უფასოდ მოემსახურება.