სახელმწიფო უსაფრთხოების სამსახურის ანგარიშში ნათქვამია, რომ 2017 წელს ოკუპირებული ტერიტორიების მიმდებარედ ე.წ. საზღვრის კვეთის ბრალდებით საოკუპაციო ძალებმა 178 ადამიანი დააკავეს. მათგან უმრავლესობა, 126 პირი ცხინვალის რეგიონის საოკუპაციო ხაზის კვეთისთვის, 52 კი - აფხაზეთის საოკუპაციო ხაზთან დააკავეს.

სახელმწიფო უსაფრთხოების სამსახურის შეფასებით, 2017 წელს ე.წ. საკონტროლო გამშვები პუნქტის (ხურჩა-ნაბაკევის და "ორსანტია ოტობაია") დახურვა მიზნად ისახავდა ადგილობრივ საზოგადოებებს შორის ინტერაქციის შეზღუდვას.

საოკუპაციო ძალების მიერ პირთა დაკავებები გაგრძელდა 2018 წელსაც. ერთ-ერთი დაკავებული, არჩილ ტატუნაშვილი ცხინვალის ციხეში გარდაიცვალა.

გაიგეთ მეტი არჩილ ტატუნაშვილის გარდაცვალების საქმეზე.