ლატვიის პრეზიდენტმა, რაიმონდს ვეიონისმა დაამტკიცა განათლების რეფორმა, რომლის მიხედვითაც რუსულენოვანი სკოლები ეტაპობრივად ლატვიურ ენაზე გადავა.

2019 წლის პირველი სექტემბრიდან ეთნიკური უმცირესობების სკოლებში პირველიდან მეექსე კლასის ჩათვლით სწავლება თანაბრად, რუსულ და ლატვიურ ენაზე უნდა იყოს.

2020 წლიდან მეშვიდე-მერვე კლასებში საგნების 80 პროცენტი ლატვიურად უნდა ისწავლებოდეს, ხოლო 2021 წლიდან მაღალ კლასებში ყველა საგნის სწავლება სახელმწიფო ენაზე იქნება. გამონაკლისი რუსეთის ხალხის ისტორია და კულტურა იქნება.

"საშუალო სკოლაში ლატვიურ ენაზე სწავლება თანაბარ შესაძლებლობებს მისცემს ყველა ახალგაზრდას, რათა მიიღონ ხარისხიანი განათლება და ლატვიაში ცხოვრება მოუწყონ. ეს უფრო შეკრულ საზოგადოებასა და ძლიერ სახელმწიფოს შექმნის", - განაცხადა ლატვიის პრეზიდენტმა.

რეფორმასთან დაკავშირებით ლატვიაში რამდენიმე საპროტესტო აქცია ჩატარადა. ლატვიის მოსახლეობის 40 პროცენტი ეთნიკურად რუსია. რეფორმით უკმაყოფილო იყო რუსეთის ხელისუფლებაც.