2006 წლის პირველ აპრილამდე გაცემულ მართვის მოწმობებს მოქმედების ვადა დღეს, 2018 წლის პირველ აპრილს გაუვიდათ.

იმ შემთხვევაში თუ მოქალაქემ დღემდე ვერ შეცვალა მართვის მოწმობა, ავტომობილის მართვა მხოლოდ ახალი მოწმობის აღების შემდეგ შეეძლება.

მართვის მოწმობის შესაცვლელად მომსახურების სააგენტოს ნებისმიერ ფილიალში მოქალაქემ უნდა წარადგინოს: ჯანმრთელობის მდგომარეობის შესახებ ცნობა, პირადობის დამადასტურებელი მოწმობა და არსებული მართვის მოწმობა. მართვის მოწმობის შეცვლის ღირებულებაა 15 ლარი. მსურველებს თეორიული და პრაქტიკული გამოცდის ჩაბარება არ ევალებათ.

შსს-ს მომსახურების სააგენტოს განმარტებით, მართვის მოწმობებს, რომლებიც აღებულია 2006 წლამდე, თუმცა განახლებულია 2006 წლის შემდეგ, იურიდიული ძალა უნარჩუნდებათ და მათი შეცვლა საჭირო არაა.