სკრიპალის საქმე გრძელდება - რუსეთმა ამერიკის შეერთებულ შტატებს უპასუხა და ქვეყნიდან 60 რუს დიპლომატს აძევებს.

რუსეთის საგარეო საქმეთა მინისტრის სერგეი ლავროვის განცხადებით, იმდენივე ამერიკელ დიპლომატს დაითხოვენ რამდენიც აშშ-დან გამოაძევეს. ამიტომ მოსკოვში ამერიკის საელჩოს 58 და პეტერბურგის გენერალური საკონსულოს 2 თანამშრომელი პერსონა ნონ-გრანტად გამოცხადდება. მათ რუსეთის დასატოვებლად დრო 5 აპრილამდე აქვთ.

გარდა ამისა ლავროვმა განაცხადა, რომ რუსეთი გააუქმებს ამერიკის შეერთებული შტატების გენერალურ საკონსულოს პეტერბურგში.

ყოფილი რუსი ჯაშუში სერგეი სკრიპალი და მისი შვილი იულია, ბრიტანეთის ქალაქ სოლსბერიში 4 მარტს ნერვო-პარალეპტიკური ნივთიერებით მოწამლეს. ისინი ამ დრომდე მძიმე მდგომარეობით საავადმყოფოში არიან. ბრიტანეთის ოფიციალური პოზიციით, საქმეში რუსეთი მონაწილეობს.

ბრიტანეთის მხარდასაჭერად, საერთო ჯამში, აშშ-დან, კანადიდან და ევროპის ქვეყნებიდან 130-ზე მეტი რუსი დიპლომატი გააძევეს. ამ ქვეყნების რიცხვს დღეს, 29 მარტს საქართველოც შეუერთდდა და ქვეყნიდან ერთ რუს დიპლომატს გააძევებს.

რუსული მისიის დიპლომატების რიცხვი შეამცირა ნატომაც. სკრიპალის სკანდალის გამო რუსეთიდან დროებით გაიწვია თავისი ელჩი ევროკავშირმაც.

რუსეთი ბრალდებებს უარყოფს და ამბობს, რომ ამ დრომდე სკრიპალების საქმის დეტალებს არ იცნობს და ლონდონს ცილისმწამებლური პოზიცია უჭირავს. მოსკოვმა ლონდონის ნაბიჯების საპასუხოდ, ქვეყნიდან 23 ბრიტანელი დიპლომატი გააძევა.