"როცა ხედავს, რომ კალაძე თავს უფლებას აძლევს ოპონენტს სიტყვა გააწყვეტინოს, შესაბამისადვე იქცევა ვატო შაქარიშვილი", - ასე შეაფასა ევროპული საქართველოს წევრმა ელენე ხოშტარიამ საკრებულოს ქართული ოცნების წევრის, ვატო შაქარიშვილის მხრიდან შეურაცხმყოფელი განცხადება.

On.ge-სთან საუბარში ხოშტარიამ აღნიშნა, რომ შაქარაშვილის ქცევას არანაირი მნიშვნელობა აქვს, რადგან ის უბრალოდ შემსრულებელია:

"ვატო შაქარაშვილი რა სიგნალსაც იღებს ზემოდან, როგორ უნდა მოიქცეს, ისე იქცევა, თავისი გემოვნების შესაბამისად".

ვატო შაქარიშვილმა დღეს, 27 მარტს, ოპოზიციის წარმომადგენლებს გიორგი ვაშაძესა და ელენე ხოშტარიას სიტყვიერი შეურაცხყოფა მიაყენა.

"ბოზი ქალივით ყვირით", - ასე მიმართა დეპუტატმა ოპოზიციის წევრებს. ქართული ოცნებისა და ოპოზიციის წარმომადგენლებს შორის სიტუაცია მას შემდეგ დაიძაბა, რაც თბილისის მერმა, კახა კალაძემ ელენე ხოშტარიას საუბარი შეაწყვეტინა.