მარველის Black Panther რამდენიმე კვირის წინ ოფიციალურად შეუერთდა იმ ფილმებს, რომლებმაც კინოგაქირავებაში მილიარდ დოლარს გადააჭარბეს.

ფილმის პრემიერა თებერვალში შედგა და მას შემდეგ ის კინოგაქირავების ლიდერია და მხოლოდ 26 დღეში მოახერხა მილიარდიანი შემოსავლის დაგროვება.

უფრო მეტიც, Forbes-ის ინფორმაციით, "შავი პანტერა" სუპერგმირზე გადაღებული ყველა დროის ყველაზე მაღალშემოსავლიანი ფილმი გახდა. ფილმმა ჯამში, მხოლოდ ამერიკის მასშტაბით $630 მილიონზე მეტი დააგროვა და ის ყველა დროის ყველაზე მაღალშემოსავლიან ფილმებს შორის ამ დროისთვის მეხუთე ადგილზეა. მსოფლიო მასშტაბით კი მისმა შემოსავალმა უკვე გადააჭარბა $1,23 მილიარდს.

ფილმში მთავარ როლებს ჩედვიკ ბოსმანი, ლუპიტა ნიონგო, ანგელა ბესეტი, მაიკლ ბი ჯორდანი და მარტინ ფრიმენი ასრულებენ.

შავი პანტერა მარველის კომიქსების პერსონაჟია, რომელიც მწერალმა სტენ ლიმ და მხატვარმა ჯეკ კირბიმ შექმნეს.

შავი პანტერა პირველად ფანტასტიკური ოთხეულის კომიქსების 52-ე ნომერში გამოჩნდა, შემდეგ კომიქსები მის შესახებაც შეიქმნა.

რაც შეეხება ფილმებს, პანტერას პერსონაჟი პირველად ფილმში კაპიტანი ამერიკა: სამოქალაქო ომი გამოჩნდა.

ფილმის გადაღება $200 მილიონი დაჯდა.