საქართველოს პარლამენტმა ახალი რედაქციის კონსტიტუციაში დაგეგმილი ცვლილებები მესამე მოსმენით მიიღო. ცვლილებებს მხარი 115-მა დეპუტატმა დაუჭირა, წინააღმდეგი არავინ ყოფილა.

ირაკლი კობახიემ კენჭისყრის შემდეგ განაცხადა, რომ ამით დასრულდა რთული და ხანგრძლივი საკონსტიტუციო რეფორმა

" შედეგად ჩვენ ძალიან დახვეწილი ევროპული ტიპის კონსტიტუცია მივიღეთ".

ცვლილებები გასული წლის სექტემბერში მიღებული კონსტიტუციის პროექტში აისახება, რომელიც ძალაში მიმდინარე წლის ოქტომბერში - ახალარჩეული პრეზიდენტის მიერ ფიცის დადების შემდეგ შედის.

საქართველოს პარლამენტმა ახალი კონსტიტუცია 26 სექტემბერს მიიღო. მაშინ მომხრე 117 დეპუტატი იყო. პრეზიდენტმა კონსტიტუციას ვეტო დაადო და მოტივირებულ შენიშვნებთან ერთად პარლამენტს უკან გადაუგზავნა.

უმრავლესობამ მოტივირებული შენიშვნების ნაწილი არ გაიზიარა, ვეტო დაძლია და საკონსტიტუციო ცვლილებების პაკეტები შეიმუშავა.

რა ცვლილებები შევა ახალ კონსტიტუციაში გაიგეთ აქ.