დღეს, 22 მარტს, ზუგდიდის საკრებულოს სხდომაზე ერთიანი ნაციონალური მოძრაობის დეპუტატი დავით შელია და ევროპული საქართველოს წევრი, ანაკლიის მაჟორიტარი ბათლომე შელია ერთმანეთს ფიზიკურად დაუპირისპირდნენ. ადგილზე პოლიციისა და სასწრაფოს გამოძახება გახდა საჭირო.

ლაივპრესის ინფორმაციით, დეპუტატებს შორის დაპირიპირება ევროპული საქართველოს ფრაქციად დარეგისტრირების საკითხსა და ენმ-ის წევრის ანა წითლიძის განცხადებას მოჰყვა. ნაციონალური მოძრაობის წვერმა გელა თოლორაიამ პარტია დატოვა და ევროპული საქართველოს რიგებში გადავიდა. ანა წითლიძემ განაცხადა, რომ გელა თოლორაიას უნდა ეყოს ვაჟკაცობა და საკრებულოს სხდომაზე გამოცხადდეს.

On.ge დაუკავშირდა საკრებულოს თავმჯდომარესა და შინაგან საქმეთა სამინისტროს. კონფლიქტის დეტალებზე მათ კომენტარს მიღებისთანავე შემოგთავაზებთ.