უკრაინის უშიშროების სამსახურმა რადას შენობაში სახალხო დეპუტატი ნადეჟდა სავჩენკო დააკავა.

უნიანის ცნობით, უშიშროების სამსახურის წარმომადგენელმა ალექსანდრ ტომუსიაკმა სავჩენკოს განუცხადა, რომ 22 მარტს, პარლამენტმა მხარი დაუჭირა გენერალური პროკურატურის მიმართვას და ხმათა უმრავლესობით სავჩენკოს მოუხსნა დეპუტატის იმუნიტეტი. მან აცნობა სავჩენკოს, რომ აკავებდა დანაშაულის ჩადენის ბრალდებით, თუმცა კონკრეტული ბრალი არ წარუდგენია.

რამდენიმე დღის წინ უკრაინის გენერალურმა პროკურორმა, იური ლუცენკომ, დეპუტატი ნადეჟდა სავჩენკო რადაში ტერაქტის მოწყობაში დაადანაშაულა. მისი თქმით, გამოძიებას აქვს უტყუარი მტკიცებულებები იმისა, რომ პარლამენტში ტერაქტის მოწყობისთვის სავჩენკო განკარგულებებს პირადად გასცემდა.

მანამდე ცნობილი გახდა, რომ ტყვეების გათავისუფლების ცენტრის ოფიცრის კორპუსის ხელმძღვანელთან, ვლადიმერ რუბანთან ერთად ნადეჟდა სავჩენკო სახელმწიფო გადატრიალების მომზადებაში თანამონაწილეობასა და მომზადებაში იყო ეჭვმიტანილი.