Tbilisi Open Air-ის ერთ-ერთი მთავარი ჰედლაინერი უკვე ცნობილია. ფესტივალისთვის თბილისს ინგლისელი მუსიკოსი, ტომ ოდელი ეწვევა და კონცერტს 24 ივნისს გამართავს.

27 წლის ტომ ოდელს განსაკუთრებული წარმატება 2012 წელს გამოშვებულმა სიმღერამ Another Love მოუტანა. სიმღერას YouTube-ზე 165 მილიონზე მეტი ნახვა აქვს.

Tbilisi Open Air საერთაშორისო მუსიკალური ფესტივალია, რომელიც როკისა და ელექტრონული მუსიკის მსმენელებისთვის 2009 წლიდან იმართება. ფესტივალის ფარგლებში საქართველოში ჩამოვიდნენ ისეთი ჯგუფები და შემსრულებლები, როგორებიცაა Deep Purple, Archive, Placebo, Air, Black Label Society, ბეთ ჰარტი, დემიენ რაისი და სხვები. წელს პირველად ფესტივალს Check In Georgia დააფინანსებს.

ფესტივალის სრული ლაინაფი იხილეთ აქ.