მსოფლიო ბედნიერების 2018 წლის გაეროს ანგარიშში ფინეთმა ნორვეგია შეცვალა და ყველაზე ბედნიერ ქვეყანად დასახელდა.

ფოტო: UN

156 ქვეყანას შორის საქართველო 128-ე ადგილს იკავებს.

აღსანიშნავია, რომ საქართველო, შარშანდელთან შედარებით, 3 ადგილით ჩამოქვეითდა.

წინა წლების მსგავსად, მოწინავე ადგილებს ისევ სკანდინავიის ქვეყნები იკავებენ.

ასე გამოიყურება ბედნიერი ქვეყნების ათეული:

  1. ფინეთი
  2. ნორვეგია
  3. დანია
  4. ისლანდია
  5. შვეიცარია
  6. ნიდერლანდები
  7. კანადა
  8. ახალი ზელანდია
  9. შვედეთი
  10. ავსტრალია.

შარშან ფინეთი ამ ათეულში მეხუთე ადგილს იკავებდა.

მსოფლიო ბედნიერების პირველი ანგარიში, გაერომ 2012 წელს გამოაქვეყნა. ქვეყნების რიგითობა ეფუძნება ექვს ფაქტორს, მათ შორის, ერთ სულ მოსახლეზე მთლიან შიდა პროდუქტს, ცხოვრების ხანგრძლივობას, თავისუფლებას, გულუხვობას, გულკეთილობას, სოციალურ მხარდაჭერასა და კორუფციის არარსებობას მთავრობაში ან ბიზნესში.

კვლევის მიხედვით, 156 ქვეყანას შორის, ყველაზე ნაკლებად ბედნიერი ქვეყნები აფრიკის კონტინენტზეა.

სიის უკანასკნელ 10 ადგილს ეს ქვეყნები იკავებენ:

  • მალავი
  • ჰაიტი
  • ლიბერია
  • სირია
  • რუანდა
  • იემენი
  • ტანზანია
  • სამხრეთ სუდანი
  • ცენტრალური აფრიკის რესპუბლიკა
  • ბურუნდი

გერმანიამ, დიდმა ბრიტანეთმა და საფრანგეთმა, მე-15, მე-19 და 23-ე ადგილები გაინაწილეს.

აშშ-მა, გასულ წელთან შედარებით, 4 საფეხურით ქვემოთ გადაინაცვლა და მე-18 ადგილი დაიკავა.