თბილისში, პეკინის ქუჩაზე არასრულწლოვანს მანქანა დაეჯახა. საზოგადოებრივი მაუწყებლის ცნობით, ბავშვი ზებრა გადასასვლელზე გადადიოდა.

შინაგან საქმეთა სამინისტრომ On.ge-ს უთხრა, რომ დაშავებული 10 წლისაა და ის სხეულის დაზიანებებით საავადმყოფოში გადაიყვანეს.

შსს-მ საქმეზე უკვე დაიწყო გამოძიება სისხლის სამართლის კოდექსის 276-ე მუხლის პირველი ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს და რამაც ჯანმრთელობის ნაკლებად მძიმე დაზიანება გამოიწვია.