ბათუმში მშენებლობიდან გადმოვარდნილი 13 წლის მოზარდის მდგომარეობა მძიმეა. ის ბათუმის დედათა და ბავშვთა სამედიცინო ცენტრში, რეანიმაციულ განყოფილებაში იმყოფება.

შემთხვევა გუშინ, 10 მარტს მოხდა. გავრცელებული ინფორმაციით, მოზარდი მშენებარე კორპუსის ზედა სართულიდან გადმოვარდა.

შინაგან საქმეთა სამინისტროს ინფორმაციით, საქმეზე გამოძიება სისხლის სამართლის კოდექსის 124-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.