წინასწარი შეთანხმებით, ჯგუფურად, 200 ათასი ლარის მოტყუებით დაუფლების მცდელობის ბრალდებით, ანტიკორუფციულმა სააგენტომ ორი პირი დააკავა.

გამოძიებას ინფორმაციით, დაკავებულებისგან ერთ-ერთი თავს ასაღებდა საქართველოს ეკონომიკისა სამინისტროს თანამშრომლად. ბრალდებულები თურქეთისა და საქართველოს მოქალაქეებს, დაჰპირდნენ, თითქოს სამინისტროს მაღალი თანამდებობის პირების დახმარებით, თბილისში მდებარე სახელმწიფოს საკუთრებაში არსებული მიწის ნაკვეთის აუქციონის წესით შეძენაში დაეხმარებოდნენ. ამის სანაცვლოდაც მათ 200 000 ლარის გადახდა მოითხოვეს.

სუს-ის ცნობით, 8 მარტს, დაკავებულებმა, აღნიშნულ მოქალაქეებს, წინასწარ გამოართვეს მოთხოვნილი თანხის ნაწილი 50 000 ლარის ოდენობით, რა დროსაც ანტიკორუფციული სააგენტოს თანამშრომლებმა დააკავეს.

გამოძიება წინასწარი შეთანხმებით ჯგუფის მიერ, დიდი ოდენობით თაღლითობის მცდელობის ფაქტზე მიმდინარეობს (საქართველოს სსკ-ის 19,180-ე მუხლის მე-2 ნაწილის ა ქვეპუნქტით და მე-3 ნაწილის ბ ქვეპუნქტით).