სხვადასხვა ტიპის შევიწროეებებში დადანაშაულებული ადამიანების რიცხვს, ნეტფლიქსის პოპულარული სერიალის, Stranger Things, შემქმნელები მეთ და როს დაფერებიც შეუერთდნენ.

დაფერები სიტყვიერ შეურაცხყოფაში სერიალის გადამღები ჯგუფის ერთ-ერთმა წევრმა, პეიტონ ბრაუნმა დაადანაშაულა.

"პერსონალურად ვარ მოწმე, როგორ აყენებდა გადასაღებ მოედანზე ორი ყველაზე გავლენიანი კაცი შეურაცხყოფას რამდენიმე ქალს. პირობა დავდე, რომ თუ ოდესმე მე მსგავს სიტუაციაში აღმოვჩნდებოდი, ამას აუცილებლად ვიტყოდი და აი, აქ ვარ. ჩემს 11,5 ათას ფოლოვერს მინდა ვუთხრა - TIME IS UP (დრო ამოიწურა)", - წერდა ინსტაგრამის პოსტში ბრაუნი.

პეიტონმა ეს პოსტი რამდენიმე საათში წაშალა, თუმცა ერთ-ერთ კომენტარზე, სადაც ეკითხებოდნენ გულისხმობდა თუ არა ის ძმებ დაფერებს, უპასუხა, რომ სწორედ მათზე ჰქონდა საუბარი და თქვა, რომ ისინი გადასაღებ მოედანზე ჯგუფის ქალ წევრებს გამუდმებით უყვიროდნენ და შეურაცხყოფას აყენებდნენ.

ძმებ დაფერებსა და ნეტფლიქს ამ ეტაპზე ბრალდებისთვის არ უპასუხიათ.

Stranger Things მესამე სეზონი 2019 წელს დაბრუნდება.