წელს კინოსამყაროს ყველაზე დიდი მოვლენის რეიტინგი ისტორიულ მინიმუმამდე დაეცა. ოსკარის დაჯილდოების ცერემონიას, რომელიც 3 საათსა და 53 წუთს გრძელდებოდა, საერთო ჯამში 26,5 მილიონმა მაყურებელმა უყურა.

რა თქმა უნდა, ეს არ გამოპარვია აშშ-ს პრეზიდენტს, დონალდ ტრამპს და ალბათ არ გაგიკვირდებათ, თუ გეტყვით, რომ მან ამის შესახებ ტვიტერზე იხუმრა:

"ისტორიაში ოსკარს ყველაზე დაბალი რეიტინგი ჰქონდა. პრობლემა იმაშია, რომ პრეზიდენტის გარდა ვარსკვლავები აღარ გვყავს. რა თქმა უნდა, ვხუმრობ".

პრეზიდენტის ცინიკური ტვიტი ყურადღების გარეშე არ დარჩენია წლევანდელი ოსკარის წამყვანს, ჯიმი კიმელს.

"მადლობა, ისტორიაში ყველაზე დაბალი რეიტინგის მქონე პრეზიდენტო" - უპასუხა კომიკოსმა პრეზიდენტს.