დაწყებითი კლასის მასწავლებელი ჰეინან ალ რუბი, რომელიც პალესტინელი ლტოლვილების ბანაკში გაიზარდა, 1 მილიონი ამერიკული დოლარით დაჯილდოვდა.

13 მარტს დუბაიში გამართულ Global Teacher Prize-ზე რუბი დაასახელეს, როგორც მასწავლებელი, რომლის ღვაწლი და დახმარება მსოფლიოსთვის "შეუფასებელია".

ჰეინან ალ რუბმა ჯილდოს მიღებისას თქვა, რომ ეს მთელი მსოფლიოს მასწავლებლების გამარჯვებაა:

"გჯეროდეს შენი ოცნებების და მის ასასრულებლად იმუშავე. გამოიწვიე მსოფლიო და დაარწმუნე ადამიანები შენი იდეების ჭეშმარიტებაში. მხოლოდ ასე გაავრცელებ სიმართლეს და გაიმარჯვებ".

ჰეინენ ალ რუბი ბეთლემიდან არის. ის ძალადობის მსხვერპლ ბავშვებს სტრესის გადალახვაში სწავლით და თამაშით ეხმარება. მისი მსოფლმხედველობა და სწავლების სტილი მას შემდეგ შეიცვალა, რაც მის ქმარს და შვილებს სკოლიდან სახლისკენ გზაზე ესროლეს.

"ამ შემთხვევამ ჩემი შვილების საქციელზე, ცხოვრების სტილსა და აკადემიურ მოსწრებაზე ძალიან იმოქმედა. მათი შველა და სწორ გზაზე დაბრუნება სრულიად მარტოს მიწევდა, არცერთი მასწავლებელი დამხმარებია, ჩემი შვილების სტრესიდან გამოყვანაში" - ამბობს ის ინტერვიუში.