იუსტიციის უმაღლესი საბჭოს არამოსამართლე წევრი, ანა დოლიძე მოსამართლეების გასაუბრებიდან აცილებას სასამართლოში ასაჩივრებს. დოლიძის სახელით სარჩელი თბილისის საქალაქო სასამართლოში ახალგაზრდა იურისტთა ასოციაციას შეაქვს.

საია მიიჩნევს, რომ დოლიძის აცილებით დაირღვა მისი, როგორც იუსტიციის უმაღლესი საბჭოს წევრის უფლება მინიჭებული უფლებამოსილებები განეხორციელებინა თავისუფლად და შეუფერხებლად.

"ინტერესთა კონფლიქტის ფართო განმარტება, რაც იუსტიციის უმაღლესმა საბჭომ ანა დოლიძის აცილების დასაბუთებისას გამოიყენა, მოკლებულია სამართლებრივ საფუძველს. ინტერესთა კონფლიქტის ამგვარი განმარტება წარმოადგენს სახიფათო ტენდენციას, რომელის გამოყენებითაც შესაძლებელი ხდება კრიტიკულად განწყობილი წევრი მნიშვნელოვანი პროცესებიდან იყოს ჩამოშორებული", - აცხადებენ საია-ში


ანა დოლიძე 50-დან 14 მოსამართლის გასაუბრებაზე აიცილეს და ვერც მათ უვადო დანიშვნის კენჭისყრაში მიიღო მონაწილეობა.