შინაგან საქმეთა სამინისტროს ინფორმაციით, კახეთში, გურჯაანის მუნიციპალიტეტის სოფელ ბაკურციხეში უკანონო თევზჭერის ფაქტი გამოავლინეს.

უწყების ცნობით, პოლიციელებმა გადამოწმების მიზნით გაჩერებულ ავტომობილში 10 კილოგრამი თევზი, გასაბერი ნავი და ელექტროშოკის აპარატი ამოიღეს.

გამოძიება ელექტროშოკის აპარატის გამოყენებით უკანონო თევზჭერის საქმეზე საქართველოს სსკ-ს მე-300 მუხლის 1-ლი ნაწილით მიმდინარეობს. რაც ისჯება ჯარიმით ან გამასწორებელი სამუშაოთი ვადით ორ წლამდე ანდა თავისუფლების აღკვეთით ვადით სამ წლამდე.