ზიმბაბვის ჯანდაცვის მინისტრი დევიდ პარირენიატი ჩივის, რომ ჩინური პრეზერვატივები, რომლებიც ზიმბაბვეში შედის, ადგილობრივებისთვის ძალიან პატარაა.

"ახალგაზრდები იყენებენ კონკრეტულ პრეზერვატივს, რომელიც მოსწონთ, მაგრამ მამაკაცები ჩივიან, რომ ისინი ძალიან პატარაა".

ამის შესახებ ზიმბაბვეს მინისტრმა დევიდ პარირენიატმა აივ/შიდსის პრევენციის მხარდასაჭერ შეხვედრაზე ისაუბრა. მისი თქმით, სამხრეთ აფრიკის რეგიონებში შიდსის გავრცელების ყველაზე მაღალი მაჩვენებელია, სწორედ ამიტომ, ხელისუფლება მაქსიმალურად ცდილობს პრეზერვატივის გამოყენებას შეუწყოს ხელი. ინფორმაციას South China Morning Post ავრცელებს.

გამოცემის ინფორმაციით, პრეზერვატივების მწარმოებელი ჩინური კომპანიის, Beijing Daxiang-ის დირექტორმა, ჩაო ჩუანმა განაცხადა, რომ ზიმბაბვეს მინისტრის საჩივარი განიხილეს და პრეზერვატივის ზომის გაზრდას გეგმავენ, ამისთვის კი ზიმბაბვეში გამოკითხვას ატარებენ, რომ ახალი პროდუქცია შესაბამისი ზომის გამოუშვან.