სლოვაკეთის პრემიერ-მინისტრმა, რობერტ ფიცომ გამომძიებელი ჟურნალისტის იან კუჩიკის მკვლელობაზე ინფორმაციისთვის ერთი მილიონი ევროს ჯილდო დააწესა. პრესკონფერენციის დროს რობერტ ფიცომ განაცხადა, რომ პოლიტიკური ჯუფები ტრაგედიას ბოროტად იყენებენ.

პოლიციის ხელმძღვანელის თქმით, მკვლელობის მოტივი, სავარუდოდ, კუჩიკის ჟურნალისტური საქმიანობა იყო.

26 თებერვალს, 27 წლის იან კუჩაკი, თავის საცოლესთან,მარტინა კუსნიროვასთან ერთად ბინაში ცეცხლსასროლი იარაღით მოკლულები იპოვეს.

ფოტო: AFP

სლოვაკეთის რამდენიმე გამოცემამ გამოაქვეყნა კუჩაკის სტატია, რომელშიც იტალიური მაფია პოლიტიკური ელიტის კორუფციასთან არის დაკავშირებული.

სლოვაკი ჟურნალისტი იან კუჩაკი ევროპული ფონდების ფულით თაღლითობის შემთხვევებსა და იტალიური მაფიოზური დაჯგუფების ნდრანგეტას მონაწილეობას იძიებდა. ამის შესახებ კუჩაკის ბრიტანელმა კოლეგამ განაცხადა. კუჩაკს მიაჩნდა, რომ კორუფციაში სლოვაკი პოლიტიკოსებიც არიან ჩართულები.

კუჩაკი სამი წლის განმავლობაში Aktuality.sk მუშაობდა. როგორც მალტელი მოკლული ჟურნალისტი დაფნა კარუანა გალიცია, ისიც პანამის დოკუმენტებზე მუშაობდა.

პრემიერ-მინისტრმა განაცხადა, რომ ის მედიის წარმომადგენლებს შეხვდება, რათა დაარწმუნოს, რომ სიტყვის თავისუფლება და ჟურნალისტების უსაფრთხოება ქვეყნის პრიორიტეტს წარმოადგენს.