ბათუმში, ბულვარის მიმდებარედ კომპანია ალიანს ფრივილიჯი 54-სართულიანი კომპლექსის აშენებას გეგმავს. ინფორმაციას უძრავი ქონების გზამკვლევი პორტალი Property Georgia ავრცელებს.

ალიანს ჯგუფის გენერალური დირექტორი აკაკი სონგულია Property Georgia-სთან საუბარში აცხადებს, 54-სართულიანი შენობის პირველ 12 სართულს სასტუმრო მარიოტი დაიკავებს, ზედა სართულებზე კი აპარტამენტები განთავსდება.

აკაკი სონგულიას განცხადებით, ცათამბჯენის მშენებლობა ბათუმში 2020 წელს დასრულდება. 160-ნომრიანი სასტუმრო მარიოტი კი 2021 წელს გაიხსნება.

ბათუმის მერიაში აცხადებენ, რომ მშენებლოვის ნებართვა არ გაუციათ და ამ ეტაპზე, მხოლოდ გეოლოგიური შესწავლისა და დასკვნის მოსამზადებლი ტექნიკური სამუშაოები ხორციელდება. თუმცა, ბათუმის მერიას სამშენებლო კოპანიისათვის დადგენილი აქვს მიწის ნაკვეთის სამშენებლოდ გამოყენების პირობები.