თბილისის მერის, კახა კალაძის თქმით, თბილისში, ბაზრობა თერგში ხანძრის ლოკალიზება უახლოეს პერიოდში მოხდება. ამის შესახებ თბილისის მერმა ხანძრის ადგილის დათვალირების შემდეგ განაცხადა.

"მიმდინარეობს ხანძრის ლოკალიზება. მობილიზებულია მთელი ქალაქის სახანძრო სამაშველო ბრიგადები, სასწრაფო სამედიცინო დახმარების ბრიგადები. საბედნიეროდ, მსხვერპლი არ არის. უახლოეს მომავალში მთლიანად იქნება ლოკალიზებული ხანძარი. გავრცელების საშიშროება არ არის", - განაცხადა კალაძემ.

თბილისში, ბაზრობა თერგში ხანძარს 30-ზე მეტი სახანძრო მანქანაა აქრობს. ამ ეტაპზე უცნობია ბაზრის რა ნაწილშია ცეცხლი გაჩენილი. სავაჭრო ცენტრ კიდობანთან ხანძარი დაახლოებით ორი საათის წინ გაჩნდა.