საქართველოს საგარეო საქმეთა მინისტრის პირველმა მოადგილემ დავით ზალკალიანმა 2030-ში სტუმრობისას არჩილ გეგეშიძის მიერ ნეტგაზეთთან მიცემულ ინტერვიუზე განაცხადა, რომ სამინისტრო აპირებს აშშ-ში საქართველოს ელჩისგან განმარტებები მოისმინოს.

"ჩვენ ძალიან სერიოზულად აღვიქვით გეგეშიძის განცხადებები, რომლებიც ერთ-ერთ მედიასაშუალებაში გამოქვეყნდა. ამის შემდეგ ელჩი საქართველოში გამოვიძახეთ, შესაბამისი ახსნა-განმარტებისთვის".

ზალკალიანის თქმით, სამინისტრო მიმდინარე დღეების განმავლობაში ჩართულია ქერის ვიზიტის პროცესში, რის გამოც ამერიკაში საქართველოს ელჩთან აღნიშნული საკითხების განხილვის დრო ჯერ არ აქვთ:

"არ ღირს აჩქარება, ჩვენ უნდა გავიგოთ მისგან, უპირველეს ყოვლისა, თუ რამდენად შეესაბამება ეს განცხადებები სინამდვილეს და ხომ არაა ეს ინტერპრეტაცია, ან კონტექსტიდან ამოგლეჯას ხომ არ აქვს ადგილი".

ზალკალიანის თქმით, სამინისტრო ამ თემაზე გეგეშიძესთან მსჯელობას აპირებს. საგარეო საქმეთა მინისტრის პირველმა მოადგილემ არ გააკეთა განცხადება ჟურნალისტის კითხვაზე, დატოვებს თუ არა პოსტს არჩილ გეგეშიძე.

"ჩვენ მისგან უნდა მოვისმინოთ არგუმენტები, ნაადრევია რამე დასკვნის გამოტანა" - დასძინა მან.

ნეტგაზეთის ბლოგერთან, ია მერკვილაძესთან, ინტერვიუში არჩილ გეგეშიძე ამბობს, რომ მმართველ გუნდში პრორუსული ძალები არსებობენ, რაც იმას ნიშნავს, რომ საქართველოში ამ საკითხის მიმართ პლურალისტური მიდგომა არსებობს.