თბილისის საქალაქო სასამართლომ მაგდა პაპიძეს უვადო პატიმრობა მიუსაჯა.

სახელმწიფო ბრალდებამ და მოკლული ომარ ქაფიაშვილის დედამ, მაგდა პაპიძისთვის უვადო პატიმრობის მისჯა მოითხოვა, პაპიძის ადვოკატმა კი მინიმალური, 16-წლიანი სასჯელი ითხოვა.

4 ივლისს, მეუღლისა და მცირეწლოვანი შვილის მკვლელობაში ბრალდებული მაგდა პაპიძე ნაფიცმა მსაჯულებმა ერთხმად, 12 ხმით 0-ის წინააღმდეგ, სცნეს დამნაშავედ.

მაგდა პაპიძე ქმრისა და შვილის მკვლელობის ბრალდებით 7 თვის წინ დააკავეს. მისი საქმის არსებითი განხილვა სამ კვირაზე მეტხანს მიმდინარეობდა.