ეკონომიკის მინისტრის, დიმიტრი ქუმსიშვილისა და განათლების ყოფილი მინისტრის, ალექსანდრე ჯეჯელავას მიერ ტვ პირველზე შესაძლო ზეწოლაზე ერთიანი ნაციონალური მოძრაობა გამოძიების დაწყებას მოითხოვს. შესაბამისი მოთხოვნით პარტიამ პროკურატურას განცხადებით მიმართა.

"ეს ორი ადმაიანი ისინი პირდაპირ აიძულებდნენ ტვ პირველის მფლობელებს, რომ გადაეფორმებინა მესამე პირზე", - განაცხადა ენმ-ს წევრმა, ხატია დეკანოიძემ.

ტვ პირველზე ხელისუფლების წარმომადგენლების მხრიდან შესაძლო ზეწოლის შესახებ 16 თებერვალს გახდა ცნობილი. ახრის პოლიტიკური ტოქშოუს წამყვანმა, ნინო ჟიჟილაშვილმა განაცხადა, რომ კონკრეტული ზეწოლა ხელისუფლების წარმომადგენლების მხრიდან არ ყოფილა, თუმცა იყო სიგნალები, რომ ტელეკომპანია პირველს სამომავლოდ შეეცვალა "თავისი შინაარსი".