სახელმწიფო აუდიტის სამსახურის ინფორმაციით, 2016 წლის ივნისის თვეში ქართულმა პარტიებმა შემოწირულობების სახით სულ 2 200 000 ლარი მიიღეს. უწყების ცნობით, ყველაზე მეტი შემოწირულობა მილიონ 28 000 ლარი პარტია ქართულმა ოცნებამ მიიღო, ყველაზე დიდი რაოდენობის თანხა კი - 120 000 ლარი პარტიას შპს ქართულმა ტრადიციულმა მეღვინეობამ გადაურიცხა.

ივნისის თვეში შემოწირულობების რაოდენობით სიაში მეორე და მესამე ადგილებს ახალი პოლიტიკური მოძრაობა - სახელმწიფო ხალხისთვის (741 900 ლარი) და საქართველოს პატრიოტთა ალიანსი (174 900 ლარი) იკავებენ. აღნიშნულ პერიოდში შემოწირულობის სახით ყველაზე მცირე ოდენობის თანხა (25 ლარი) თავისუფალმა საქართველომ მიიღო.

რაც შეეხება ნაციონალურ მოძრაობას, ის აღნიშნულ სიაში მეოთხე ადგილს იკავებს. პარტიამ გასულ თვეში სულ 81 000 ლარი მიიღო, საიდანაც ყველაზე დიდი ოდენობის თანხა 40 000 ენმ-სთვის აკაკი კილასონიას აქვს გადარიცხული.

გთავაზობთ სხვადასხვა პარტიისათვის გადარიცხული თანხის ოდენობას ივნისის თვეში:

  • პლატფორმა ახალი პოლიტიკური ცენტრისთვის - 38 000 ლარი
  • ჩვენი სამშობლო - 21 700 ლარი
  • საქართველო მშვიდობისთვის - 2 600 ლარი
  • ქრისტიან-კონსერვატიული პარტია - 1 700 ლარი
  • რესპუბლიკური პარტია - 680 ლარი
  • ლეიბორისტული პარტია - 600 ლარი
  • მემარცხენე ალიანსი - 500 ლარი
  • ეროვნულ-დემოკრატიული პარტია - 163
  • კონსერვატიული პარტია - 119 ლარი
  • თავისუფალი საქართველო - 25 ლარი