ერთ წელზე მეტი გავიდა მას შემდეგ, რაც ოსკარის მფლობელი მსახიობი ნატალი პორტმანი ელენ დეჯენერესის შოუში იმყოფებოდა. ნატალი მაშინ მეორე ბავშვზე იყო ორსულად და წამყვანმა სთხოვა, მისთვის სქესი გაემხილა.

პორტმანმა მაშინ თქვა, რომ არ იცოდა ბავშვის სქესი, ამიტომ ის და ელენი დანაძლევდნენ. ელენი ამბობდა, რომ მსახიობი აუცილებლად გოგოს გააჩენდა და თუ ასე მოხდებოდა, პორტმანი მას ათას დოლარსა და პიცას ჩააბარებდა.

საბოლოოდ, ნატალი პორტმანმა გოგო, სახელად ამელია გააჩინა და შესაბამისად, ელენმა მოიგო. მართალია, ამის შემდეგ დიდი დრო გავიდა, მაგრამ ნატალი ელენის შოუში ახალი ფილმის დასაანონსებლად მივიდა და თან წაგებულის ჩაბარებაც გადაწყვიტა.

პორტმანმა გადაწყვიტა, ელენთან წაგებული თანხა ტელეწამყვანის იმ ფონდში გადარიცხოს, რომელიც მას 60 წლის იუბილეზე მეუღლემ, პორშა დე როსიმ აჩუქა.

როგორც ხედავთ, ნატალი პორტმანი სიტყვის ქალი ყოფილა!