ყოფილი მხედრიონელი, დოდო გუგეშაშვილი ვერ ამბობს მიზეზს, რის გამოც შეიძლება ის დაეჭრათ, მისი შვილი კი მოეკლათ. დაჭრის შემდეგ გუგეშაშვილის პირველ კომენტარს ჟურნალისტი, მაკა რაზმაძე ავრცელებს.

"ეს არ არის პოლიტიკური, არც ბიზნესი, არც წინა საუკუნის დაპირისპირება, არც აფხაზეთი, არც ცხინვალი. დარწმუნებული ვარ, რომ არ არის ეგ, არც ერთი მაგდაგვარი. უბრალოდ, ვერ ვხდები რა არის. ამიტომ ნურავინ მისცემს პოლიტიკურ სპეკულაციას და სარჩულს", - თქვა გუგეშაშვილმა.

ცეცხლსასროლი იარაღით გუგეშაშვილის სახლში, თბილისში, 7 თებერვალს დაჭრეს, მისი შვილი კი - მოკლეს. საქმეზე გამოძიება სისხლის სამართლის კოდექსის 109-ე დამამძიმებელ გარემოებაში მკვლელობის მუხლით მიმდინარეობს.