სამგზავრო თვითმფრინავი An-148 მოსკოვში, დომოდედოვოს აეროპორტიდან აფრენისთანავე რადარებიდან გაქრა. Saratov Airlines-ის ბორტზე 71 ადამიანი იყო, აქედან 65 მგზავრი, ხოლო 6 ეკიპაჟის წევრი. თვითმფრინავი მოსკოვთან ახლოს ჩამოვარდა.

როგორც TASS წყაროზე დაყრდნობით წერს, ბორტზე მყოფთაგან არავინ გადარჩენილა, თუმცა ოფიციალური ინფორმაცია შესაბამის ორგანოებს ჯერ არ გაუვრცელებიათ.

Meduza-ს ინფორმაციით, აფრენისას თვითმფრინავი, შეიძლება, რუსეთის ფოსტის ვერტმფრენს დაეჯახა. გამოცემის თქმით, დომოდედოვოს აეროპორტს ამ დრომდე განცხადება არ გაუკეთებია.

ამ ფაქტზე სამართალდამცავებმა გამოძიება უკვე დაიწყეს.