BBC-ის ცნობით, მექსიკის ჩრდილო-აღმოსავლეთ ნაწილში, ტეხასის შტატის საზღვართან ახლოს, სატვირთო მანქანაში 200-მდე არალეგალი მიგრანტი იპოვეს.

კაცები, ქალები და ბავშვები გვატემალადან, ჰონდურასიდან და ელ სალვადორიდან მიდიოდნენ შეერთებული შტატების მიმართულებით.

საზღვარზე სამი პირი დააკავეს ტრეფიკინგის ბრალდებით. მექსიკის პოლიციის განცხადებით, სატვირთო სასაზღვრო გამშვებ პუნქტთან გაჩერდა და სწორედ იქ დააფიქსირა სკანერმა, რომ შიგნით ადამიანები იმალებოდნენ. მესაზღვრის განცხადებით, მიგრანტებს არ ჰქონდათ არც საჭმელი, არც სასმელი და არც ვენტილაცია. მათ შორის, იყო 24 ბავშვი ზრდასრულის გარეშე იყო.

გვატემალა, ჰონდურასი და ელ სალვადორი, ის ძირითადი ქვეყნებია, საიდანაც ყველაზე მეტი არალეგალი მიგრანტი მიდის აშშ-ში.

პრეზიდენტმა დონალდ ტრამპმა პირობა დადო, რომ აშშ-ში არალეგალურ და ლეგალურ მიგრაციას დაასრულებდა. ამ მიზნით, მან მექსიკის საზღვარზე კედლის მშენებლობის გადაწყვეტა.