საქართველოს სახელმწიფო უსაფრთხოების სამსახურის განცხადებით, საჯარო მოხელისათვის ქრთამის მიცემის ბრალდებით საქართველოს მოქალაქე დააკავეს.

გამოძიების ვერსიით, დაკავებულმა ქრთამი შესთავაზა ქუთაისის მერიის პირველადი სტრუქტურული ერთეულის ზედამხედველობის სამსახურის უფროსს.

სუს-ის განცხადებით, მან ქუთაისში, გელათის ქუჩა #191-ში მდებარე შენობაზე, პროექტის გარეშე სამშენებლო და სარეკონსტრუქციო სამუშაოების განხორციელებაში მფარველობის გაწევის სანაცვლოდ ქრთამის სახით შესთავაზა 3 000 ლარი.

გამოძიება უკანონო ქმედების ჩასადენად მოხელისთვის ქრთამის მიცემის ფაქტზე მიმდინარეობს რაც სასჯელის სახით ითვალისწინებს თავისუფლების აღკვეთას 4 დან 7 წლამდე ვადით.