თბილისის სატრანსპორტო კომპანიის ცნობით, თბილისის მეტრო დროებით ახმეტელის თეატრიდან 300 არაგველამდე იმოძრავებს. დღეს, 30 იანვარს, დაახლოებით 10:30 საათზე, მეტროსადგურ ვარკეთილის ქვედა ვესტიბიულში დაკიდული ჭერის კონსტრუქცია ჩამოიშალა.

ინციდენტის შედეგად 11 ადამიანი დაშავდა. ერთ-ერთი დაშავებული პატრულის თანამშრომელია. ამჟამად, ადგილზე სამაშველო და სასწრაფო სამედიცინო სამსახურების მობილიზება ოპერატიულად მოხდა. სადგურიდან მგზავრების გამოყვანა ჯერ კიდევ მიმდინარეობს.

შემთხვევის გამომწვევი მიზეზების დასადგენად, გამოძიება სამთო, სამშენებლო ან სხვა სამუშაოს წარმოებისას უსაფრთხოების წესის დარღვევის ფაქტზე, სისხლის სამართლის კოდექსის 240-ე მუხლით მიმდინარეობს.