ფინანსთა სამინისტროს საგამოძიებო სამსახურმა თანხების თაღლითურად დაუფლების ბრალდებით ერთი პირი დააკავა.

უწყების ინფორმაციით, ბრალდებულმა ორი დევნილის ნდობა მოიპოვა, დაარწმუნა ისინი, რომ თანხის გადახდის შემთხვევაში, ლტოლვილთა სამინისტროს მაღალჩინოსნების დახმარებით, დევნილთათვის განკუთვნილ საცხოვრებელ ფართს საკუთრებაში გადასცემდა. შედეგად, ბრალდებული მოტყუებით, საერთო ჯამში, 3 500 აშშ დოლარს დაეუფლა.

გამოძიება საქართველოს სისხლის სამართლის კოდექსის 180-ე მუხლის მე-2 ნაწილით მიმდინარეობს, რაც სასჯელის სახით ითვალისწინებს თავისუფლების აღკვეთას 4-დან 7 წლამდე.