თბილისში გამართულ ეუთოს საპარლამენტო ასამბლეაზე, ეუთოს თავჯდომარე ქვეყნის, გერმანიის, საგარეო საქმეთა მინისტრი ფრანკ-ვალტერ შტაინმაიერი წარსდგა და ორგანიზაციის 57 წევრი ქვეყნის წარმომადგენლებს სიტყვით მიმართა:

"ჩვენ წარმატებულები ვიქნებით მხოლოდ მაშინ, თუ რეგიონის საზოგადოება ჩაერთვება მოლაპარაკებებში. მხოლოდ ამ შემთხვევაში მივაღწევთ ერთობლივ მშვიდობას.

პარლამენტებს ძალიან დიდი პასუხისმგებლობა აწევთ. თუ ჩვენ გვინდა, რომ გავაძლიეროთ საზოგადოების სწრაფვა მშვიდობისაკენ, ჩვენ თვითონაც ძალიან ფრთხილად უნდა ვიყოთ და სწორი ღირებულებები უნდა გვქონდეს.

ამისთვის ჩვენ უნდა შევქმნათ ნდობა, გადავდგათ პირველი ნაბიჯები და გავამყაროთ ურთიერთობები. ჩვენ არ უნდა დავიბრმავოთ თვალები, თუ რამე ვალდებულებები დაირღვა, ჩვენ ამაზე ღიად უნდა ვისაუბროთ".

ეუთოს საპარლამენტო ასამბლეის 25-ე (ყოველწლიური) შეკრება თბილისში 5 დღეს გაგრძელდება.