HBO ოქროს გლობუსისა და ემის მფლობელი სერიალის, Big Little Lies-ის მეორე სეზონისთვის ემზადება.

როგორც ცნობილი გახდა შოურ ორ მსახიობს - ნიკოლ კიდმანსა და რიზ უიზერსპუნს ახალი სეზონის თითოეულ ეპიზოდში მილიონ დოლარს გადაუხდიან.

რაც შეეხებათ დანარჩენ მსახიობებს - შეილინ ვუდლის, ლორა დერნს და ზოი კრავიცს, ისინი ადასტურებენ, რომ HBO-მ ჰონორარები მათაც გაუზარდა.

გამომდინარე იქიდან, რომ ნიკოლი და რიზი ამ სერიალის პროდიუსერებიც არიან, ისინი დამატებით თითო ეპიზოდისთვის $250 ათასს მიიღებენ, რაც იმას ნიშნავს, რომ ყოველი სერიიდან მათ საბოლოოდ $1,25 მილიონს მიიღებენ.

როგორც HBO-ს განცხადებაში წერია, სერიალის პროდიუსერები ნიკოლ კიდმანი და რიზ უიზერსპუნი იქნებიან, მათი გმირები კი მეორე სეზონშიც ისტორიის ეპიცენტრში მოექცევიან.

ახალ სეზონთან დაკავშირებით ცნობილია ისიც, რომ მეორე ნაწილის რეჟისორი ანდრეა არნოლდი იქნება, რომელსაც ისეთ პროექტებზე უმუშავია როგორებიცაა - Transparent, I Love Dick და სხვები.

სერიალის ეთერში 2019 წელს დაბრუნდება, თუმცა შემქმნელებმა გაამხილეს, რომ ძველ პერსონაჟებს ოთხი ახალიც დაემატება და მსახიობებს უკვე ეძებენ.

ახალ პერსონაჟებს შორის ერთ-ერთი მასწავლებელი მიშელ პერკინსი იქნება. აქვე უნდა ითქვას ისიც, რომ ამ მასწავლებელს პრობლემები ექნება ლორა დერნის გმირთან, რენატასთან. ახალ სეზონში გავიცნობთ ბონის მშობლებსაც.

Big Little Lies მეორე სეზონში შვიდი სერია იქნება.

ამავე თემაზე: რაზე გაკეთდება აქცენტები სერიალ Big Little Lies მეორე სეზონში